كتب احمد عمر:
نقل الإعلامي أحمد شوبير حارس مرمى الأهلي ومنتخب مصر السابق، أول رد من الجهاز الفني لمنتخب مصر على التصريح المثير لحسم حسن عقب مباراة كاب فيردي عندما قال لدينا 2 محترفين وربع في انتقاص من قدر رأس الحربة مصطفى محمد بعدما وصفه بـ ربع محترف.
وقال أحمد شوبير في تصريحات إذاعية اليوم الخميس: “لسه الدنيا سخنانة على تصريحات كابتن حسام حسن عقب مباراة كاب فيردي خاصة تصريح مصطفى محمد لما قال عندنا 2 محترفين وربع”.
وأوضح شوبير: “تواصلت مع حد بارز في الجهاز الفني لمنتخب مصر بقيادة حسام حسن، واتقال لي بالظبط معندناش غير اثنين محترفين فقط عشان ما نضحكش على بعض محمد صلاح وعمر مرموش، ومصطفى محمد لو خد الفرصة في أوروبا هيكسر الدنيا وهنقابل منتخبات افريقيا اللي عندهم 26 لاعبا محترفا”.
وتابع شوبير: “الكابتن حسام حسن بيعلق على مشاركات مصطفى محمد مع ناديه ولو بيشارك بشكل مستمر كان هيسكر الدنيا ولو فيه خلاف بين الكابتن حسام حسن ومصطفى محمد زي ما البعض بيقول مكانش هيجيبه المنتخب لا ده موجود وبيلعب أساسي كمان، ومصطفى محمد الأقرب لقيادة هجوم منتخب مصر في الفترة المقبلة طبقا للتنافس الموجود”.
وأضاف شوبير: “أرجو أن أكون وضحت الأمر ونقول شكرا ونخلص، والدنيا تهدى شوية عايزين نهيئ الأجواء لمنتخبنا عشان البطولة الأفريقية قربت وكل اللي انتقد على عيني وراسي، ومعاك حق إنك انتقدت، ومعاك حق إن معجبكش التصريح، لكن يا ريت نخلص القصة دي بقه ونقدر نشتغل بشكل كويس المرحلة المقبلة ومش عايزين الدنيا تبقى صعبة وطول الوقت عندنا حساسية وإن شاء الله الدنيا تهدى”.
